Martin Skorseze “Gije nämeler bolýar” (Что происходит ночью) ady bilen täze film taýýarlaýar. Ol Piter Kemeronyň romanyna esaslanýar. Filmde baş keşpleri Leonardo Di Kaprio bilen Jennifer Lourens ýerine ýetirer diýip, Deadline neşiri ýazýar.
Film ýanwarda düşürilip başlanar, taslamany maliýeleşdirmek bilen Apple Original Films we Studiocanal meşgullanar.
Waka çagany ogullyga almak üçin Ýewropanyň garly şäherine ugraýan är-aýal barada gürrüň berýär. Ýöne olaryň ýoly garaşylmadyk ýagdaýda syrly bir myhmanhananyň üstünden barýar. Bu ýerde olar täsin we mistiki personažlar bilen ýüzbe-ýüz bolýar. Kem-kemden gahrymanlar hakykat duýgusyny ýitirip, öz durmuşyna şübhelenip başlaýar.
Skorseze we Di Kaprio üçin bu “Näletlenenleriň adasy” filminiň ruhunda triller žanrynda ýene bir bilelikdäki iş bolar. Lourens “Öl, söýgim” (Умри моя любовь) dramasy çykandan soň olara goşular. Bu filmde ol Robert Pattinson bilen bilelikde oýnady.
