Microsoft kompaniýasy “Bloknot”, Paint we “Gaýçy” programmalary üçin täze funksiýalary hödürledi. Olar Windows 11 operasion ulgamynyň düzümine girýär. Funksiýalar Copilot+ PC kategoriýaly ulanyjylar üçin elýeterli bolar.
Paint-de .paint formatly faýllaryň goldawy peýda boldy. Indi taslamalary redaktirleme prosesinde ýatda saklap, soňra işe ýene dolanyp gelmek bolýar. Mysal üçin, Photoshop-da .psd formatly faýllar şeýle işleýär. Faýly .paint formatynda ýatda saklamak üçin faýlyň menýusynda “Taslama hökmünde ýatda saklamagy” saýlamaly.
Şeýle-de, indi Paint-de “Galam” we “Çotga” gurallarynyň durulygyny sazlap bolýar.
“Bloknotda” indi kompýuteriň neýron prosessorynyň hasaplaýyş güýjüni ulanmak bilen teksti umumylaşdyrmak, ýazmak we gaýtadan ýazmak üçin funksiýalar elýeterli boldy. Häzirki wagtda bu mümkinçilikler diňe iňlis dilinde işleýär, ýöne geljekde goldanýan dilleriň sanawy giňeldiler.
“Gaýça” “Çalt bellik” guraly goşuldy. Almak üçin gerekli bölek saýlanandan soň ulanyjylar suraty “Ýelegiň”, “Bozgujyň” we “Parkeriň” kömegi bilen redaktirläp biler. Mundan başga-da, faýllary ýatda saklamak ýa-da olary alyş-çalyş buferine goşmak zerurlygy bolmazdan, suratlar bilen paýlaşmak, “Bing-de wizual gözlegi” ulanmak ýa-da “Copilot-dan soramak” mümkin boldy.
Microsoft täzelenmeleriň kem-kemden girizilýändigini we tiz wagtdan gabat gelýän enjamlary ulanyjylar üçin elýeterli boljakdygyny belledi.
