Aktýor Timoti Şalame High Side (“Beýik tarap”) jenaýat trillerine gatnaşandygy üçin hak ujy hökmünde 25 mln dollar alar. Bu barada The New York Times gazeti ýazýar.
Şeýle mukdar 29 ýaşly Şalameni Golliwudda iň köp hak alan ýaş aktýora öwürýär. Ozal şeýle ýaşda şonça mukdary “Ýokaryk seretmäň” filmi üçin Jennifer Lourens alypdy. Bu filme Şalame hem gatnaşdy.
High Side filmi Haýme Oliweýranyň çap edilmedik kyssasyna esaslanýar. Sýužet boýunça öňki motosikl ýaryşyna gatnaşyjy öz dogany bilen bilelikde bank talap başlaýar. Filmiň režissýory we prodýuseri “Ford v Ferrari” we “Bob Dilan: Nätanyş” filmlerini düşüren Jeýms Mengold bolar. Premýera Paramount Pictures studiýasynyň howandarlygynda bolar.
Geljekki film “Tutluşyk” (Схватка) trilleri we “Islendik ýol bilen” (Любой ценой) neo-westerni bilen deňeşdirilýär.
Mundan başga-da, şu gyşda Şalameniň gatnaşmagynda Marty Supreme sport dramedisi prokata çykar. Häzirki wagtda aktýor “Alaňyň” üçünji bölüminiň düşürilişine gatnaşýar. Onuň relizi 2026-njy ýylyň dekabryna meýilleşdirildi.
