Halkara sport gözlegleri merkezi (CIES) esasy düzümiň häzirki oýunçylaryny satyn almak üçin çykarylan çykdajylar boýunça futbol klublarynyň reýtingini hödürledi. Hasaplamalarda hemişelik transferler we kärende şertnamalary göz öňünde tutuldy.
Reýtingde 100 klub görkezilýär. Olaryň başynda bolsa futbolçylaryň häzirki toparyny düzmek üçin 1,3 mlrd ýewro sarp eden Londonyň “Çelsisi” durýar. Toparyň iň gymmat satyn alan oýunçysy ekwadorly ýarymgoragçy Moýses Kaýsedo boldy (134 mln ýewro). Ikinji we üçünji orunlarda Angliýanyň “Mançester Siti” (1,128 mlrd ýewro) we “Mançester Ýunaýted” klublary (1,071 mlrd ýewro) ýerleşdi.
Ilkinji onlukda olaryň yzyndan “Liwerpul” (1,065 mlrd ýewro), “Arsenal” (1 mlrd ýewro), “Tottenhem” (974 mln ýewro), “Pari Sen-Žermen” (873 mln ýewro), Madridiň “Realy” (854 mln ýewro), “Nýukasl Ýunaýted” (816 mln ýewro) we Madridiň “Atletikosy” (572 mln ýewro) gelýär.
Ýewropaly däl klublaryň arasynda iň köp çykdajy “Al-Hilýal” saud klubunda hasaba alyndy. Topar 451 mln ýewro bilen umumy reýtingde 19-njy orny eýeleýär.
