Hakerler Balenciaga, Gucci we Alexander McQueen brendleriniň müşderileriniň şahsy maglumatlaryny ogurlady. Bu barada hakerleriň özünden maglumat alan Bi-bi-si habar berdi. Bu brendlere eýeçilik edýän Kering korporasiýasy hem ogurlygy tassyklady.
Kompaniýa näçe ulanyjynyň zyýan çekendigini aýtmady. Bi-bi-siniň maglumatlaryna görä, gürrüň millionlarça müşderi barada bolup biler. Hakerler atlara, elektron poçta salgylaryna, telefon belgilere we satyn alyş mukdaryna elýeterli boldy. Şol bir wagtyň özünde, Kering bank kartlarynyň maglumatlarynyň we başga maliýe maglumatlarynyň ogurlanmandygyny aýtdy.
Habar berlişi ýaly, hüjümiň aňyrsynda ShinyHunters atly haker ýa-da topar durýar. Kiberhüjümçiler 7,4 mln elektron poçta salgysyna elýeterli bolandygyny habar berýär. Olar barlamak üçin žurnalistlere ogurlanan maglumatlardan birnäçe mysallary berdi.
ShinyHunters hüjümiň aprel aýynda bolandygyny aýtdy. Iýunda olar Kering bilen habarlaşyp, töleg talap etdi, ýöne kompaniýa tölemekden ýüz öwürdi. Korporasiýa hüjüm barada iýunda bilendigini tassyklady.
Ozal aprelde Cartier we Louis Vuitton ýaly lýuks brendler hem birnäçe kiberhüjüme sezewar boldy. Häzirki wagtda olaryň ShinyHunters-iň hereketi bilen baglanyşyklydygy ýa-da ýokdugy belli däl.
