2025-nji ýylyň ikinji çärýeginde Counterpoint analitik kompaniýasynyň maglumatlaryna görä, dünýäde iň geçginli on smartfonyň sanawyna bäş sany Apple modeli, dört sany Samsung modeli we bir sany Xiaomi bar.
Esasy iPhone 16 ikinji we üçünji orny eýelän iPhone 16 Pro Max-dan we iPhone 16 Pro-dan ozup, yzly-yzyna iki çärýek öňdebaryjy boldy. Sanawa täze goşulan iPhone 16e, Ýaponiýada we ABŞ-da köp satylmagy bilen bagly, derrew altynjy orna çykdy. Baryp 2023-nji ýylda çykan iPhone 15 onunjy ornuny saklap galdy.
Samsung ilkinji onlukda dört orny eýeledi. Kompaniýanyň iň meşhur modeli dördünji orny eýelän Galaxy A16 5G boldy. Ondan soň býujet bahaly Galaxy A06 4G (bäşinji ýer), Galaxy A16 4G (ýedinji ýer) we flagman Galaxy S25 Ultra (sekizinji ýer) gelýär. Soňkysynyň satuwy işjeň marketingiň we döredijilikli emeli aň funksiýalaryna gyzyklanmanyň hasabyna artdy.
Xiaomi-niň sanawdaky ýeke-täk smartfony dokuzynjy orny eýelän Redmi 14C 4G boldy. Oňa Latyn Amerikasynda, Ýakyn Gündogarda we Afrikada isleg bildirilýär. Öňki çärýekde bu model sekizinji orunda bolupdy.
