CBS kanalynda 77-nji “Emmi” telewizion baýragynyň gowşurylyş dabarasynyň ýaýlymyna 7,4 mln adam tomaşa etdi. Bu ABC-de ýaýlyma berlen geçen ýylky dabara bilen deňeşdirilende 8% köpdür. Şol wagt ol 2021-nji ýyldan bäri iň meşhur dabara bolupdy diýip, Variety ýazýar.
Nielsen-iň maglumatlaryna görä, CBS-niň auditoriýasyna hem teletomaşaçylar, hem Paramount+ platformasynyň ulanyjylary girdi. Platformada tomaşa sany CBS-däki soňky dabara bilen deňeşdirilende 76% ýokarlandy. Ýaýlymyň esasy bäsdeşi NBC-de NFL oýny boldy, ýöne sentýabrda sport ýaýlymlary, adatça, reýtinglere ýanwardaky pleý-off oýunlaryndan az täsir edýär.
Dabaranyň alypbaryjysy Neýt Bargase boldy. Şu ýyl iň gowy komediýa serialy “Kinostudiýa”, iň gowy drama serialy – “Pitt hassahanasy”, iň gowy mini-serial bolsa “Ýetginjeklik döwri” diýlip ykrar edildi. Dabaranyň esasy ýeňijisi 13 baýrak alan “Kinostudiýa” boldy.
