Keniýaly ylgawçy Feýt Kipýegon ýeňil atletika boýunça dünýä çempionatynda zenanlaryň arasynda 1500 metr aralyga ylgaw ýaryşynyň ýeňijisi boldy. Tokiodaky ýaryşlarda türgen ony 3:52,15 netijesi bilen tamamlady.
Kümüş medaly onuň watandaşy Dorkus Ewoý (3:53,92), bürünç medaly awstraliýaly Jessika Hall (3:55,16) aldy.
Kipýegon üçin bu häzirki aralykda karýerasynda dördünji titul boldy. Ozal ol 2017, 2022 we 2023-nji ýyllarda altyn medal alypdy.
Bu ýeňiş 31 ýaşly ylgawça 1500 metr aralyga ylgamakda dört gezek dünýä çempiony bolan marokkoly Gişam el Gerružyň üstünligini gaýtalamaga mümkinçilik berdi.
Mundan başga-da, Kipýegona 5000 metr aralykda 2023-nji ýylyň dünýä çempionatynyň altyn medaly degişlidir. Şeýle-de, ol 1500 metr aralygy 3 minut 49 sekuntdan az wagtyň içinde geçmegi başaran ýeke-täk zenan türgen. 2025-nji ýylyň iýulynda Ýujindäki (Orlando ştaty, ABŞ) Brilliant ligasy tapgyrynda ol 3:48,68 görkezijisi bilen dünýä rekordyny täzeledi.
Kipýegon Keniýanyň taryhynda ýeke-täk üç gezek Olimpiýa çempionydyr (2016, 2020 we 2024).
