“Doga: Soňky dessurlar” (Заклятие: Последние обряды) elhençlik filminiň kassa ýygymy iki hepde prokatyň dowamynda bütin dünýäde 330 mln dollardan geçdi. Bu barada Variety ýazýar.
Ikinji dynç günleriniň jemi boýunça, film ABŞ-da 131 mln dollar ýygnap, kassa ýygymy boýunça ikinji orny eýeledi. Ondan öňde diňe “Arwahlary kowýan tyg” animesi bar. Ikinji uik-endde ýygym birinji hepde bilen deňeşdirilende 69% azaldy, ýöne umumy girdeji filmiň täjirçilik taýdan üstünliklidigini tassyklaýar. Film eýýäm çykdajylary ödedi we Warner Bros. studiýasyna uly girdeji getirýär.
Warner Bros.-yň maglumatlaryna görä, ilkinji uik-endde “Soňky dessurlar” 194 mln dollar ýygnap, gorkunç filmleriň arasynda täze rekord goýdy. Öňki üstünlik “Ol” (Оно) filminiň birinji bölümine degişlidi, ol 2017-nji ýylda 189,4 mln dollar gazandy. Taslamalaryň ikisi-de Warner Bros. brendi bilen çykdy.
“Doga” franşizasynyň dördünji bölümi Smerl maşgalasynyň öýünden erbet ruhlary kowýan är-aýal Uorrenleriň hekaýatyny dowam etdirýär. Ilkibaşda taslama seriýanyň soňy hökmünde meýilleşdirilipdi, ýöne döredijiler onuň diňe wakanyň birinji tapgyrynyň jemlemesidigini aýtdy.
