ABŞ we Hytaý TikTok sosial ulgamynyň satuw şertleri barada çarçuwaly ylalaşyk gazandy. Bu barada ABŞ-nyň maliýe ministri Skott Bessent aýtdy diýip, Reuters habar berýär.
Bessent şertnama barada heniz giňişleýin maglumatlaryň ýokdugyny we olaryň ABŞ-nyň Prezidenti Donald Trampyň 19-njy sentýabrda HHR-iň Başlygy Si Szinpin bilen duşuşygy wagtynda yglan ediljekdigini belledi.
Ondan öň Tramp sosial ulgamlarda “ýurdumyzyň ýaşlarynyň halas etmek islän kesgitli kompaniýasynyň” satuwy barada ylalaşyk gazanylandygyny ýazypdy.
TikTok Hytaýyň ByteDance kompaniýasyna degişli. Amerikan häkimiýetleri sosial ulgamyň häzirki iş modeli milli howpsuzlyga zyýan ýetirýär diýip hasaplaýar, çünki Hytaýyň ulanyjylaryň maglumatlaryna elýeterli bolup biljekdigini öňe sürýär diýip, Reuters belleýär. 2024-nji ýylda ABŞ-nyň Kongresi ByteDance-i TikTok-yň amerikan bölümçesini satmaga borçlandyrýan kanuny kabul etdi.
Ilkibaşda şertnama 270 gün berildi, ýöne bu möhlet ençeme gezek uzaldyldy.
