Nissan Z kupesi 1989-njy ýylyň 300ZX modeline bagyşlanan çäkli Heritage Edition görnüşinde çykaryldy. Ýörite bezegli we aksessuarly bukjadaky görnüşiniň bahasy 2940 dollar.
Awtoulag öň markanyň GT-R ýaly sport modellerinde ulanylan Midnight Purple (ýarygije-benewşe) reňkine boýaldy. Kuzowyň aşaky böleginden bürünç zolak geçýär, 19 dýuýmlyk diskalar hem şol reňke boýalan. Yz tarapyna Twin Turbo ýazgyly ugleplastik spoýler oturdyldy.
Salonynda üýtgeşme gaty az: nagyş salnan halyçalar we bosaga esbaplary. Galan ýagdaýda model adaty Nissan Z bilen birmeňzeşdir.
Heritage Edition bukjasy diňe şonsuzam kämilleşdirilen tormozlar we çäkli süýtülme diferensiýasy göz öňünde tutulan Performance bezeginde elýeterlidir. ABŞ-da Performance wersiýasynyň bahasy alty tizlikli mehaniki gutulysy hem, dokuz tizlikli awtomat gutulysy hem 53 müň dollardan başlaýar. Heritage bukjasyny göz öňüne tutmak bilen, bahasy 3000 dollar töweregi gymmatlaýar.
Awtoulagyň tehniki bölegi üýtgemedi: üç litrlik V6 405 at güýjüni we 475 Nm torky öndürýär. Şeýle hem, 420 at güýjçli, gaty kuzowly we kämilleşdirilen aerodinamikasy bolan podweskaly we täzelenen salonly Nismo wersiýasy bar.
