Amerikanyň Birleşen Ştatlary ilkinji gezek uçup barýan uçar bilen Ýeriň pes orbitasyndaky emeli hemranyň arasynda lazer aragatnaşyk ulgamynyň synaglaryny geçirdi. Synag wagtynda 1 Gbit/s çenli maglumat geçiriş tizligi bilen durnukly aragatnaşygy üpjün etmek başartdy.
Synaglar General Atomics Electromagnetic Systems (GA-EMS) kompaniýasynyň gatnaşmagynda geçirildi. Lazer aragatnaşyk ulgamy De Havilland Canada DHC-6 Twin Otter uçaryna oturdyldy, kabul ediş bolsa Kepler Communications kompaniýasynyň emeli hemrasy tarapyndan amala aşyryldy.
Uçarda SDA Warfighter harby arhitekturasynyň çäginde işlenip düzülen optiki aragatnaşyk terminaly (OCT) ulanyldy. Terminal 10,5 wattlyk lazer bilen enjamlaşdyrylyp, 2,5 Gbit / sek nazary tizlikde 5500 km-e çenli maglumat iberip bilýär. Synag wagtynda tizlik 1 Gb/s-a ýetdi.
GA-EMS-iň prezidenti Skott Forni köp mukdarda maglumat iberilende radio aragatnaşygynyň çäklenmelere sezewar bolýandygyny aýtdy. Onuň sözlerine görä, OCT ulgamy bu kemçilikleriň öwezini dolýar. Terminalyň işleýiş usuly aşakdaky ýaly suratlandyrylýar: ol gönükdirilýär, hemrany gurşap alýar, aragatnaşygy saklaýar we durnukly beýgelýän hem-de peselýän aragatnaşygyny üpjün edip, maglumatlary iki tarapa hem iberýär.
Işläp düzüjiler täze tehnologiýanyň bar bolan aragatnaşyk ulgamlaryndaky ýetmezleriň üstüni dolduryp, taktiki hem-de amaly wezipeleri ýerine ýetirmek üçin maglumatlaryň ygtybarly geçirilmegini üpjün edip biljekdigine ynanýarlar.
