Amerikaly ýazyjy Stiwen King X sosial ulgamynda öz gowy görýän filmleriniň sanawyny hödürledi diýip, Deadline habar berýär.
Awtor sanawa öz eserleriniň ekranlaşdyrmasyny goşmady: “Mizeri” (1990, režissýor Rob Raýner), “Ýanymda gal” (1986, režissýor Rob Raýner, “Beden” powestiniň ekranlaşdyrmasy), “Şouşenkden gaçyş” (1994) we “Ýaşyl milýa” (1999, ikisi-de – režissýor Frenk Darabont).
Sanawyň köp bölegini 1970-nji ýyllaryň – ýazyjynyň ýaşlyk döwrüniň meşhur filmleri eýeleýär. Ýene bir bölegi 1940-njy ýyllarda Golliwudyň altyn eýýamynyň nusgawy filmlerini öz içine alýar.
Saýlanan filmleriň ýarysyndan gowragy edebi eserleriň ekranlaşdyrmasydyr.
Kingiň gowy görýän filmleriniň doly sanawy:
- ·“Jadygöý” (Sorcerer, 1977), režissýor Uilýam Fridkin
- ·“Çokundyran ata 2” (Godfather 2, 1974), režissýor Frensis Ford Koppola
- ·“Gaçyş” (The Getaway, 1972), režissýor Sem Pekinpa
- ·“Surok güni” (Groundhog Day, 1993), režissýor Garold Remis
- ·“Kasablanka” (Casablanca, 1942), režissýor Maýkl Kýortis
- ·“Sýerra-Madreniň hazynasy” (Treasure of the Sierra Madre, 1948), režissýor Jon Hýuston
- ·“Dişler” (Jaws, 1975), režissýor Stiwen Spilberg
- ·“Gazaply köçeler” (Mean Streets, 1973), režissýor Martin Skorseze
- ·“Üçünji derejeli ýakyn gatnaşyklar” (Close Encounters Of The 3rd Kind, 1977), režissýor Stiwen Spilberg
- ·“Goşa ätiýaçlandyryş” (Double Indemnity, 1944), režissýor Billi Uaýlder
