Iň uly oýun onlaýn platformalarynyň biri bolan Roblox platformanyň içine goşulan Moments gysga wideo ulgamynyň beta-wersiýasyny hödürledi. Bu barada DigiDay saýty habar berýär.
Hyzmatyň işe girizilendigi barada San-Hosede geçirilen kompaniýanyň maslahatynda yglan edildi. Moments ulanyjylara gysga wideolary düşürmäge we olary Roblox-yň içinde paýlaşmaga mümkinçilik berýär. Munuň üçin hyzmatyň içinde redaktirleme gurallary-da göz öňünde tutuldy.
“Biz Moments-i ulanyjylaryň gatnaşygyny we täze tejribäni ýokarlandyrmak üçin döredýäris” – diýip, kompaniýanyň wise-prezidenti Rajiw Bhatiýa aýtdy. Onuň aýtmagyna görä, geljekde kontentiň üsti bilen gazanmak mümkinçiligi-de peýda bolup biler.
Şeýlelikde, Roblox diňe bir oýun üçin ýer bolman, eýsem TikTok ýa-da Instagram Reels ýaly gysga wideolary paýlaşmak üçin platforma öwrülmek isleýär.
