FAW-Toyota konserni Hytaý bazary üçin täzelenen Corolla sedan modelini taýýarlap başlady. Autohome neşiriniň habar bermegine görä, awtoulagyň ilkinji maglumatlary we suratlary Hytaýyň Senagat ministrliginiň katalogynda peýda boldy.
Täze wersiýada awtoulagyň öňki bölegi ep-esli üýtgedildi. C-şekilli çyralar yşyk zolagy bilen, dik howa geçirişli täze bamper, üýtgedilen radiator gözenegi we kapot peýda boldy.
Logotip gözenegiň we kapodyň arasynda ýerleşdirilen plastinkanyň üstüne geçirildi. Sypaty öňküligine galdy, yzky bölekdäki üýtgeşmeler bolsa faralaryň aşagyndaky gara bezeg paneli bilen çäklenýär.
Ölçegleri: 4710×1780×1435 mm, teker bazasy — 2750 mm. Uzynlyk 80 mm, baza bolsa 50 mm uzaldy.
Motor görnüşleri:
- Täze 2,0 litrlik, 171 at güýji bolan benzin hereketlendirijisi, iň ýokary tizlik 180 km/sag.
- 1,8 litrlik, 98 at güýji bolan hereketlendirijä esaslanýan gibrid wersiýasy. Onuň iň ýokary tizligi 160 km/sag, ýangyç sarp edişi bolsa 100 km-e 4,13 litr. Transmissiýa barada jikme-jik maglumat entek açylmady.
Häzirki wagtda Hytaýda Toyota Corolla 116 800 — 155 800 ýuana (takmynan 16,4–21,9 müň ABŞ dollary) aralygynda satylýar. Täzelenen wersiýanyň satyşa çykjak wagty we bahasynyň nähili üýtgejekdigi entek belli däl. Salonyň suratlary hem entek görkezilmedi.
