Lexus kompaniýasy 2013-nji ýyldan bäri çykýan IS sedanyny üçünji gezek täzeledi. Model gaýtadan işlenen dizaýna, täzelenen interýere, şeýle-de howpsuzlyk we rahat dolandyryş üçin täze çözgütlere eýe boldy.
Hödürlenen suratlarda F Sport wersiýasy görkezilýär. Awtomobil täze radiator gözenegi, öňdäki bamperde üýtgedilen howa ýygnaýjylary, 19 dýuýmlyk tigir diskleri we ulaldylan yzky spoýler bilen üpjün edildi. Lexus logotipi indi bagaž ýeriniň gapagynda ýerleşdirildi, kapotdaky nyşan bolsa aşak süýşürildi. Kuzowyň sekiz reňki bar. Tormoz supportlaryny gyzyl reňkde sargyt edip bolýar.
Salonda diagonaly 12,3 dýuým bolan ulaldylan displeýler oturdyldy. CD pleýer we adaty sagatlar aýryldy.
Inženerler rul dolandyryşyny hem kämilleşdirip, täze elektrik güýçlendirijisini goşdy. Asgyç dört tigiriň ählisinde adaptiw amortizatorlar bilen AVS ulgamyny aldy. Bu dolandyryş rahatlygyny we durnuklylygyny ýokarlandyrýar. Şeýle-de, Lexus Safety System + howpsuzlyk ulgamlarynyň toplumy girizildi.
Üýtgedilen Lexus IS-iň satuwy 2026-njy ýylyň başynda başlar. Model IS 300h we IS 350 wersiýalarynda hödürlener. Bäş litrlik V8 (IS 500) hereketlendirijili wersiýa hatardan aýryldy.
