Aktýor Dueýn Jonson “Jumanji 3” filminiň şu ýylyň noýabrynda düşürilip başlanjakdygyny habar berdi.
Taslama barada giňişleýin maglumatlar we onuň premýerasynyň senesi entek belli däl. Täze bölümiň ikinji filmiň sýužetini dowam etdirmegine we gahrymanlaryň täze başdangeçirmelerini görkezmegine garaşylýar.
Ilkinji “Jumanji” 1995-nji ýylda baş keşplerde Robin Uilýams we Kirsten Danst bilen çykdy. Film dünýä prokatynda 262,8 mln dollar ýygnap, öz döwrüniň meşhur filmine öwrüldi. 2017-nji ýylda ekrana onuň gaýtadan düşürilen wersiýasy – “Jumanji: Jeňňelleriň sesi” (Джуманджи: Зов джунглей) çykdy we ol 962,5 mln dollar ýygnady. Iki ýyldan soň onuň dowamy “Jumanji: Täze dereje” (Джуманджи: Новый уровень) hödürlendi.
Franşizanyň umumy kassa ýygymy bütin dünýäde 2,02 mlrd dollardan geçdi.
