9-njy sentýabrda geçirilen tanyşdyrylyş dabarasynda Apple öz akylly sagatlarynyň täzelenen hataryny hödürledi – Watch Series 11, Watch SE 3 we Watch Ultra 3.
Sagatlaryň dizaýny öňküligine galdy, ýöne funksional taýdan üýtgeşmeler peýda boldy. Hataryň ähli sagatlary 5G modem, şeýle-de uka gözegçilik etmek we gan basyşynyň (gipertoniýa) ýokarlanandygy barada duýdurmak funksiýasy bilen üpjün edildi. Sagatlar seljeriş üçin täzelenen algoritmleri ulanýar. Tanyşdyryşda kompaniýa smart sagatlaryň saglyga gözegçilik funksiýalarynyň kömegi bilen adam ömürlerini halas etmäge kömek edýändigine aýratyn ünsi çekdi.
Apple Watch Series 11
Kompaniýa bu modeli häzire çenli “iň inçe we rahat” sagat diýip atlandyrýar. Ol özünden öňküden sypjyryklara iki esse durnukly bolan täze aýna eýe boldy. Akkumulýator 24 sagada çenli işleýär. Baha 400 dollardan başlaýar.
Apple Watch SE 3
Model täze S10 prosessoryna we Always-On Display funksiýaly ekrana eýe boldy. Hereket arkaly dolandyryş mümkinçiligi goşuldy. Iş wagty – 18 sagada çenli, ýöne zarýad alyş iki esse çaltdyr. Baha 250 dollardan başlaýar.
Apple Watch Ultra 3
Bu wersiýa täze LTPO3 displeýi bilen üpjün edildi. Ol has ýagty, has inçe çarçuwaly boldy. Displeý Apple Watch-yň taryhynda iň ulusydyr. ABŞ-da ulanyjylar iPhone-syz jaň edip we SMS iberip bilýär. Awtonom iş wagty 42 sagada çenli artdyryldy. Baha 700 dollardan başlaýar.
Üç modeliň ählisiniň satuwy 19-njy sentýabrda başlar.
