Apple kompaniýasy eSIM goldawy bilen düýbünden täze modelini – iPhone Air-i hödürledi. Smartfonyň ýogynlygy 5,6 mm, agramy 165 g bolup, bu ony taryhda iň inçe iPhone edýär.
Smartfonyň korpusy titan çarçuwa eýe boldy. Öň ýüzünde we arka tarapda sypjyryklara üç esse durnukly bolan täze Ceramic Shield 2 gorag örtügi ulanyldy.
iPhone Air täzelenme ýygylygy 120 Gs çenli we iň ýokary ýagtylygy 3000 nit bolan 6,5 dýuýmlyk Super Retina XDR OLED displeýi bilen üpjün edildi. Ýylpyldylary azaltmak üçin ekran ýedi gatly ýylpylda garşy örtüge eýe boldy.
Smartfonyň esasy kamerasy – iki esse teleobýektiw bilen 48 Mp. Frontal kamera 18 Mp bolup, kadry awtomatik sazlaýan Center Stage funksiýasyny aldy.
Smartfon goşmaça N1 çibi bilen täze Apple A19 Pro prosessorynda işleýär. Wi-Fi 7, Bluetooth 7 we “akylly öý” enjamlar üçin Thread goldawy bar.
Model diňe eSIM bilen işleýär, bu hem korpusyň içinde ýer tygşytlamaga mümkinçilik berýär. Apple smartfonyň goşmaça zarýad bermezden tutuş gün işläp biljekdigini aýdýar.
iPhone Air hatarda Plus modeliniň ornuny çalyşdy we iPhone 17-den ýokary, ýöne Pro wersiýadan pes hökmünde häsiýetlendirilýär.
Täze smartfon dört reňkde (ak, gök, gara we altyn) we üç ýat wersiýasynda (256/512 GB we 1 TB) elýeterli.
- ·iPhone Air (256 GB) – 999 dollar;
- ·iPhone Air (512 GB) – 1199 dollar;
- ·iPhone Air (1 TB) – 1399 dollar.
Deslapky sargytlar 12-nji sentýabrda açylar, satuw 19-njy sentýabrda başlar.
