Jeýms Gannyň “Supermen” filmi 2025-nji ýylda Warner Bros. kompaniýasynyň iň üstünlikli taslamasy boldy. Ol prokatda, takmynan, 614 mln dollar ýygnady diýip, Variety neşiri habar berýär.
Neşiriň maglumatlaryna görä, filmiň arassa girdejisi, takmynan, 125 mln dollar boldy – bu mukdar merçendaýzdan we beýleki degişli şertnamalardan gelen girdejileri öz içine almaýar, şonuň üçin filmiň umumy girdejisi ondan hem ýokarydyr.
“Supermenden” başga-da, 2025-nji ýylda studiýanyň “Günäliler” (Грешники, $60 mln), “Ýaraglar” (Орудия, takmynan, $65 mln) we “Ahyrky nokat: Gan baglanyşygy” horrorlary (Пункт назначения: Узы крови, $75 mln) çykdajylary ödedi.
Häzirki wagtda Jeýms Gann “Supermen: Ertiriň adamy” filminiň üstünde işleýär. Ol 2027-nji ýylyň iýulynda çykar we supergahrymanyň hem onuň ýakynlarynyň hekaýatyny dowam etdirer. 2026-njy ýylyň iýunynda Supermeniň gyz dogany barada “Supergýorl” filminiň çykmagy meýilleşdirýär. Onda baş keşbi Milli Olkok ýerine ýetirer.
