Angliýanyň “Liwerpul” futbol kluby 2025/2026 möwsümi üçin üçünji eşik toplumyny hödürledi. Ol tomusdan bäri toparyň tehniki hemaýatkäri hökmünde çykyş edýän adidas tarapyndan taýýarlandy.
Täze eşik deňiz tolkunynyň reňkinde ýerine ýetirildi we 1990-njy ýyllardaky we 2000-nji ýyllaryň başyndaky klub eşiginiň stilinde döredildi.
Köýnekçäniň arka tarapynda “Hillsboro” stadionyndaky betbagtçylygyň pidalarynyň hatyrasyna baky alaw bilen 97 belgili nyşan ýerleşdirildi.
Derwezebanyň eşigi gara reňkde ýerine ýetirildi.
“Eşik toplumy “Liwerpulyň” 1987-nji ýyldan 1992-nji ýyl aralygynda ulanylan nusgawy nyşanyna gaýdyp gelip, taryhy mirasyň atmosferasyny döredýär we geçmiş baradaky ýatlamalary döwrebap stil bilen birleşdirýär” – diýlip, klubuň resmi saýtyndaky beýanda aýdylýar.
Oýun toplumyndan başga-da, kolleksiýa türgenleşik eşiklerini, gündelik eşikleri, başgaplary, aksessuarlary we LFC Gazelle krossowkalaryny öz içine alýar.
Erkekler topary täze eşikde ilkinji gezek 14-nji sentýabrda Angliýanyň premýer-ligasynyň 4-nji tapgyrynyň çäklerinde “Býornlä” garşy myhmançylyk oýnunda oýnar.
