“Ýyldyz söweşleri” trilogiýasyndan Dart Weýderiň gyzyl şöhle gylyjy Propstore auksionynda 3,654 mln dollara satyldy. Bu barada ABC News habar berýär.
Bu franşizadan häzire çenli satuwa çykarylan iň gymmat rekwizit predmeti boldy.
Gylyç “Ýyldyz söweşleri: Imperiýa jogap urgusyny berýär” (Звёздные войны: Империя наносит ответный удар, 1980) we “Ýyldyz söweşleri: Jedaýyň gaýdyp gelmegi” (Звёздные войны: Возвращение джедая, 1983) filmlerinde, şol sanda sitleriň lordy Lýuk Skaýuokere özüniň onuň kakasydygyny aýdan we onuň eliňi çapan sahnasynda ulanyldy. Gylyjyň ýüzünde filmiň düşürilişinde galdyrylan yzlar: boýagyň gopan ýerleri, sypjyryklar we jaýryklar bar.
Gylyjyň başlangyç bahasy 500 müň dollar boldy. Hünärmenler ony 1 – 3 mln dollar aralygynda bahalandyrdy. Söwdanyň ýeňijisi 2,9 mln dollar teklip etdi, ýöne auksion öýüniň komissiýasyny göz öňünde tutup, ahyrky baha 3,654 mln dollara ýetdi.
Şeýle-de, auksionda 126 müň dollara prikwellerden Enakin Skaýuokeriň şöhle gylyjy, 476 650 dollara Indina Jonsuň gamçysy we guşagy hem-de 403 200 dollara “Ýyldyz ýoly: indiki nesil” serialyndan kapitan Žan-Lýuk Pikaryň fleýtasy satyldy.
