82-nji Wenesiýa kinofestiwalynyň baş baýragyny – “Altyn ýolbarsy” Jim Jarmuşyň “Kaka, eje, uýa, dogan” (Отец, мать, сестра, брат) filmi aldy.
Film režissýoryň soňky alty ýylda ilkinji işi boldy. Ol maşgalalara bagyşlanan üç nowelladan ybarat. Bu maşgalalarda uly ýaşly doganlar we uýalar ene-atalary we biri-biri bilen duşuşýar.
Eminler “Kümüş ýolbars” baýragyny tunisli režissýor Kauter Ben Hanýanyň “Hind Rajabyň sesi” (Голос Хинд Раджаб) filmine berdi.
Režissýorlyk üçin baýragy “Ýumrujy” (Крушащая машина) filmi üçin Benni Sefdi aldy.
Iň gowy erkek keşbi üçin Wolpi kubogyny Toni Serwillo (“Günäsini ötme” / Помилование, režissýor Paolo Sorrentino), iň gowy zenan keşbi üçin – Sin Çžileý (“Gün hemmämiziň üstümizden dogýar” / Солнце встает над всеми нами, režissýor Saý Şanszýun) aldy.
Iň gowy ilkinji film üçin Luiji Di Laurentis baýragyna russiýaly Nastýa Korkiýanyň “Gysga tomus” (Короткое лето) filmi mynasyp boldy. Iň gowy ssenariý üçin “Altyn Ozella” baýragy “Işe” (На работу) filmi üçin Waleri Donzellä we Žil Marşana berildi.
Iň gowy ýaş aktrisa hökmünde Marçello Mastroýanni adyndaky baýragy Luna Uelder aldy (“Dymma dost” / Молчаливый друг).
“Gorizontlar” programmasynyň çäklerinde baýrak şu aşakdakylara berildi:
- iň gowy film – “Ýolda” (В пути);
- iň gowy režissýor – Anuparna Roý (“Unudylan agaçlaryň aýdymy” / Песни забытых деревьев);
- iň gowy aktýor – Jakomo Kowi (“Mekdep ýyly” / Год в школе);
- iň gowy aktrisa – Benedetta Porkaroli (“Arabellanyň ogurlanmagy” / Похищение Арабеллы);
- iň gowy ssenariý – Ana Kristina Barragan (“Çyrmaşyk” / Плющ);
- iň gowy gysga metražly film – “Kellisiz” (Без Келли).
Festiwal Lido adasynda geçirildi, emin agzalarynyň başlygy amerikaly režissýor Aleksandr Peýn boldy.
