“Supermeniň” dowamy “Ertiriň adamy” goşmaça adyna eýe boldy we 2027-nji ýylyň iýulynda çykar. Bu barada režissýor we DC Films-iň egindeş başlygy Jeýms Gann sosial ulgamlarda habar berdi.
Ol habara Supermeniň söweş kostýumyndaky Leks Lýutoryň ýanynda duran komiks suratyny goşdy. Bu filmde Lýutoryň Polat adam bilen gapma-garşylygynyň dowam etjekdigini görkezýär. Komikslerde duşman öz güýjüni supergahryman bilen deňleşdirmek üçin kostýum döredýär. Gannyň geçenki filminde Lýutor Supermeniň klonyny ulanmaga synanyşdy, ýöne onuň meýilnamalary başa barmady.
Gann filmiň dowamynyň üstünde işlejekdigi barada iýulyň ahyrynda habar berdi, awgustda bolsa filmiň konsepsiýasyny düzendigini we ony düşürmäge taýýarlanyp başlandygyny aýtdy.
Birinji bölüm 8-nji iýulda halkara prokata çykdy we 611 mln dollardan gowrak ýygnap, ýylyň iň girdejili supergahrymanlyk filmi boldy. Onda Dewid Korenswet (Supermen), Nikolas Holt (Leks Lýutor), Izabela Mersed (Gyrgy gyz), Natan Fillion (Ýaşyl Fonar), Pruitt Teýlor Wins (Jonatan Kent) we beýlekiler oýnady.
Studiýanyň meýilnamalaryna görä, 2026-njy ýylda DC älemi boýunça ýene iki film – “Supergýorl” we “Palçykýüz” çykmaly.
