Huawei kompaniýasy diagonaly 8,8 dýuým ekranly ykjam MatePad Mini planşetini hödürledi.
Gurluş täzelenme ýygylygy 120 Gs we iň ýokary ýagtylygy 1800 kd/m2 bolan 2560 × 1600 piksel durulykda OLED displeýine eýe boldy. Bu görkezijiler boýunça planşet RedMagic Astra (1600 kd/m²) we Apple iPad mini 7 (500 kd/m²) ýaly bäsdeşler bilen deňleşýär.
Planşet 32 Mp frontal kamera we iki esasy kamera: ƒ/1.8 optikaly 50 Mp we ƒ/2.2 optikaly 8 Mp ultra giňburçly kamera bilen üpjün edildi. MatePad Mini planşeti BeiDou ulgamy arkaly hemra aragatnaşygyny, öýjükli aragatnaşygy we Wi-Fi 7-ni goldaýar.
Planşetiň agramy 255 gram bolup, ölçegi – 198 × 127 × 5,1 mm barabar. Akkumulýator sygymy 6400 mA/sag bolup, USB-C porty arkaly 66 Wt kuwwatly simli zarýad göz öňünde tutuldy.
12 GB operatiw we 256 GB hemişelik ýatly modeliň bahasy 3899 ýuana (takmynan, $546), 512 GB ýatly wersiýa – 4399 ýuana (takmynan, $617) durýar. Şeýle-de, 4899 ýuandan (takmynan, $687) öçügsi ekranly PaperMatte görnüşi çykaryldy.
Häzirlikçe MatePad Mini diňe Hytaýda elýeterli. Kompaniýa onuň beýleki bazarlara çykjakdygy barada maglumat bermeýär.
