Paramount kompaniýasy Street Fighter oýny boýunça “Köçe söweşijisi” filminiň premýerasynyň 2026-njy ýylyň 16-njy oktýabrynda boljakdygyny mälim etdi. Bu barada Variety neşiri habar berýär.
Ilkibaşda taslama Lionsgate-iň elindedi we 2026-njy ýylyň martynda çykarmak meýilleşdirilipdi. Paramount bilen Lionsgate birleşenden soň relizleriň tertibi üýtgedildi.
Aktýorlar düzümine Jeýson Momoa, Noý Sentineo, 50 Cent, Endrýu Kodzi, Dewid Dastmalçýan we beýlekiler girdi. Filmiň režissýory hökmünde Kitao Sakuraý çykyş eder.
Street Fighter oýny 1987-nji ýylda Capcom kompaniýasy tarapyndan çykaryldy. Häzirki günde onuň iň belli ekranlaşdyrmasy Žan-Klod Wan Dammyň gatnaşmagynda 1994-nji ýylda çykan film hasaplanýar. Onda waka garşydaş gözläp, dünýä syýahat edýän karateçi Rýunyň töwereginde ýaýbaňlanýar. “Köçe söweşijisi” “faýting” žanryndaky oýunlaryň esasyny goýujy boldy.
