Lego kompaniýasy “Ýyldyz uruşlarynyň” äheňinde taryhynda iň gymmat toplum boljak täze “Ölüm ýyldyzy” toplumyny çykarjakdygyny mälim etdi. Konstruktoryň bahasy 999,99 dollar bolar diýip, The Verge habar berýär.
Satuwlar 4-nji oktýabrda başlar. Toplumda dokuz müňden gowrak bölek bolar. Ýygnalan görnüşinde modeliň beýikligi 70 santimetre, ini 80 santimetre ýetýär. Toplumda 38 şekiljik bar.
Konstruktor toplumy kosmos stansiýasynyň bir bölegi görnüşinde ýasalan. Ol “Ýyldyz uruşlaryndan” sahnalary ýasap boljak böleklere bölünýär. Şol ýerleriň arasynda şa gyzy Leýanyň tussaghana kamerasy, imperator Palpatiniň tagt zaly we Lýuk Skaýuoker bilen Han Solonyň giren angar dolandyryş merkezi bar.
Ondan öň iň gymmat Lego toplumy “Ýyldyz uruşlaryna” esaslanýan “Müňýyllygyň laçynydy”. Toplum 2017-nji ýylda hödürlenipdi. Ol 7400 bölekden ybarat bolup, häzirki wagtda 850 dollara satylýar.
