Aýdymçy Ledi Gaga “The Dead Dance” aýdymy üçin klip çykardy, ol režissýor Tim Býorton tarapyndan düşürildi. Bu kompozisiýa “Uensdeý” serialynyň ikinji möwsüminiň saundtregine girdi.
Wideoda Gaga diwarda bäbek gurjaklaryň arasynda dur we tans edip başlaýar. Oňa maskaly tansçylar hem goşulýar, gurjaklar bolsa aýdyma görä kellelerini yrgyldadýar.
Wideo baradaky maglumat iýulyň başynda peýda boldy, şol wagt KHBS aýdymçynyň Mehikonyň günortasyndaky Gurjaklaryň adasynda Býorton bilen bilelikde wideo düşürýändigini habar berdi. Ledi Gaga taslamada rolunyň kiçidigine garamazdan, “Uensdeýiň” ikinji möwsüminiň üstünde işlemekden lezzet alandygyny aýtdy. Ol Býorton, Jenna we toparyň beýleki agzalary bilen işlemegiň ýakymlydygyny sözüniň üstüne goşdy.
“Uensdeýiň” ikinji möwsüminde Gaga Rozalin Rotwud atly mugallymyň keşbini ýerine ýetirýär. Möwsüminiň birinji böleginiň premýerasy 6-njy awgustda, ikinjisi 3-nji sentýabrda boldy.
