Huawei stilus goldawyna eýe bolan dünýäde ilkinji üç eplenýän smartfony – täze Mate XTs-i hödürledi. Kompaniýa häzirlikçe şeýle görnüşi hödürleýän ýeke-täk öndüriji bolup galýar.
Mate XTs üç epleme mehanizmi bilen üpjün edildi: ýygnalan görnüşde ekranyň diagonaly 6,4 dýuýma, açyk görnüşde 10,2 dýuýma barabar. Gurluş Kirin 9020 prosessorynda işleýär, hemra aragatnaşygyny goldaýar we üýtgeýän diafragma hem-de kämilleşdirilen teleobýektiw bilen 50 Mp kamerany aldy.
Aýratyn üns stilusa berildi, ol geçenki Mate XT modelinde ýokdy. Şeýle-de, smartfon 5600 mA/sag sygymly akkumulýatora, 66 Wt çalt zarýad alyş kuwwatyna eýe bolup, simsiz zarýad alşy we beýleki enjamlara zarýad bermegi goldaýar.
Täze smartfon HarmonyOS 5.1 bilen işläp, köpugurly funksiýalary we Huawei ekoulgamy bilen baglanyşygy hödürleýär.
Reňk hataryna altyn öwüşginler bilen ak we goýy benewşe goşuldy. Öňki model Mate XT gara we gyzyl reňklerde elýeterli.
Mate XTs-iň bahasy wersiýasyna baglylykda 2520 dollardan 3100 dollar aralygynda üýtgeýär. Smartfon häzirlikçe diňe Hytaýda satylýar, ýöne kompaniýa halkara bazaryna çykmak mümkinçiligini hem öwrenýär.
