eBay saýtynda Bentley Continental GT ulagynyň ähli bölekleri diýen ýaly agaçdan ýasalan doly göwrümli nusgasy satuwa çykaryldy. “Awtopilot” saýtynyň habar bermegine görä, ony döredijiler ulag üçin, takmynan, 100 müň dollar almak isleýär, bu bolsa hakyky Bentley-iň bahasyna golaýdyr.
Hünärmenler ulagyň agaç modeliniň örän ýokary hilli ýasalandygyny belleýär. Onuň göwrümi hakyky ulagdan biraz tapawutlanýar, ýöne her bir detal dykgatly işlenipdir. Nusganyň agramy 907 kg barabar.
Içinde enjam paneliniň her bir elementi hakyky ýaly görünýär. Interýer, rul we öňdäki panel ideal derejede göçürilip taýýarlanypdyr, oturgyçlardaky haşamlar bolsa firma tikinlerine meňzeýär.
Awtomobiliň gapylary petlede bolup, açylýar. Ulagyň diňe akril aýnalary we polat oklary agaçdan ýasalmady. Reýkaly rul mehanizminiň netijesinde ulag, haýal bolsa-da, hereket edip bilýär.
