29-njy awgustda meşhur syýahatçy Fýodor Konýuhow we howa şarynda uçujy Iwan Menýaýlo ýylylyk aerostatynda rekord uçuş etdiler. Olaryň şary deňiz derejesinden 10 723 metr belentlige galdy, bu bolsa Ewerestden iki kilometre golaý beýikdir.
Uçuş irden sagat alty töweregi Aleýskiň eteginde amala aşyryldy. Konýuhow öz telegram-kanalynda uçuşyň ilkinji 40 minudynda şaryň 6886 metre ýetendigini gürrüň berdi. 2 sagat 36 minutdan soň ekipaž ýuwaşlyk bilen Ogni obasynyň golaýyna gondy. Gutarnykly netije bortdaky gurallaryň maglumatlary seljerilenden soň sport komissarlary tarapyndan tassyklanar.
Ýere gonandan soň, Konýuhow uçuşyň juda üýtgeşik, ýöne diýseň kyn bolandygyny boýun aldy:
"Sowukdy, -40–45° C. On kilometrden gowrak belentlikde gorelkalar durnuksyz işläp başladylar, birnäçe gezek söndüler, Iwan ikimizem olary täzeden ýakmaly bolduk. Onuň kemçiliklerini düzetsek, geljekde ýeten derejämizi kämilleşdirip biljekdigimizi duýýaryn. Bolsa-da kislorod enjamy kadaly işledi. Eliň asmana ýetip dur. Ýer togalagynda näçe adam şeýle belentlige çykyp bildikä? "
