Kanadaly aýdymçy The Weeknd-iň (hakyky ady Eýebl Tesfaýe) Blinding Lights aýdymy Spotify platformasynda absolýut rekord goýdy. Ol 5 mlrd gezek diňlenen ilkinji aýdym boldy. Bu barada hyzmat öz sosial ulgamlarynda habar berdi.
Artist resmi habary öz blogunda paýlaşdy, onuň akkauntynyň 78 milliondan gowrak agzasy bar.
2019-njy ýylyň noýabrynda çykan aýdym häzire çenli uly meşhurlyk gazandy. Ol dört hepdäniň dowamynda Billboard Hot 100 çartynda birinji orny eýeledi we bir ýyllap iň gowy aýdymlaryň ilkinji onlugynda galyp, şeýle netije gazanan ilkinji aýdym boldy.
2021-nji ýylyň noýabrynda Blinding Lights aýdymy Billboard's Greatest of All Time Hot 100 reýtinginde Çabbi Çekkeriň 1958-nji ýyldaky The Twist aýdymyndan öňe geçdi. Täze rekorda ýetmezden ozal aýdym Billboard Top Hot R&B/Hip-Hop Songs of the 21st Century çartyna-da girdi.
2024-nji ýylyň ýanwarynda aýdym Spotify-yň taryhynda 4 mlrd diňlemeden geçen ilkinji aýdym boldy.
“Men hiç haçan döredýän eserlerimiň, milliardlarça diýmek beýle-de dursun, millionlarça adama ýol tapýandygyna haýran galmagymy bes etmerin! Men bu aýdymyň adamlaryň özüni diňlemek üçin ýene yzyna geler ýaly derejede duýmagyna sebäp bolýandygyna örän minnetdar” – diýip, The Weeknd aýdypdy.
