Wenesiýada “Ýumrujy” (Крушащая машина) filminiň premýerasy 15 minutlyk el çarpyşmalar bilen tamamlandy – bu häzirki festiwalda iň dowamly el çarpyşmalaryň biri boldy. El çarpyşma wagtynda baş keşbi ýerine ýetiriji Dueýn “Gaýa” Jonson gözýaşyny saklap bilmedi.
Variety žurnaly premýeranyň dört ýyl mundan ozal Brendan Freýzer “Läheň” filminiň görkezilişinden soň gözüni ýaşlany bäri festiwalyň iň tolgundyryjy pursatlarynyň biri bolandygyny belledi. Şondan soň Freýzer birnäçe baýraga, şol sanda “Oskara” mynasyp boldy we indi köpler Jonsonyň hem şeýle ykrar edilmegini çaklaýar.
Filmde Jonson içki meseleleri bilen göreşýän UFC-niň iki gezek çempiony Mark Kerriň keşbini ýerine ýetirdi. Tankytçylar artistiň bu oýna öňki blokbasterlerden has içgin girişendigini belleýär. Filmde oňa Emili Blant hem goşuldy. Ol ekranda söweşijiniň söýgülisi Don Steýplzi janlandyrdy.
El çarpyşma wagtynda režissýor Benni Safdi şatlyk gözýaşyny saklap bilmän, aktýorlary gujaklady. Premýera Mark Kerriň özi-de gatnaşdy. Ol hem ahyrky titrlerde duýgularyny gizläp bilmedi.
“Ýumrujy” filmi 3-nji oktýabrda dünýä prokatyna çykar.
