Ýaşaýyş jaýlarynyň bahasy bütin dünýäde ýokarlanýar, ýöne käbir şäherlerde bu ösüş aýratyn göze ilýär. Esasy sebäbi - boş ýeriň ýetmezçiligi hem-de öýlere we jaýlara bolan islegiň ýokary bolmagy. Birnäçe megapolislerde ýaşaýyş jaýynyň ortaça bahasy maşgalanyň ýyllyk girdejisinden 10, 12 we hatda 14 esse ýokarydyr.
Visual Capitalist portalynda çap edilen barlagyň netijesine görä, Aziýanyň megapolisi bolan Gonkong iň gymmat ýaşaýyş jaýly şäherleriň sanawynda öňdebaryjy boldy.
Barlag 94 şäheriň ýaşaýyş jaý bahalaryny we ýaşaýjylarynyň girdejilerini deňeşdirdi. Ilkinji 20-lige Demirgazyk Amerikanyň, Awstraliýanyň, Täze Zelandiýanyň we Beýik Britaniýanyň iň uly şäherleri girdi. Londonyň iki gezek reýtinge girendigini bellemelidiris, ýagny şäheriň özünde we şäheriň etegindäki ýaşaýyş jaýlar toplumlarynyň hem gaty gymmatdygy bilen tapawutlandy.
Iň gymmat ýaşaýyş jaýly şäherler (jaýyň ortaça bahasynyň maşgalanyň ýyllyk girdejisine bolan gatnaşygy, esse):
- Gonkong – 14,4
- Sidneý – 13,8
- San-Hose – 12,1
- Wankuwer – 11,8
- Los-Anjeles – 11,2
- Adelaýd - 10.9
- Gonolulu – 10,8
- San-Fransisko - 10
- Melburn – 9,7
- San-Diýego – 9,5
- Brisben – 9,3
- Uly London – 9,1
- Toronto – 8,4
- Pert – 8,3
- Maýami – 8,1
- Oklend – 7,7
- Bristol aglomerasiýasy - Bat (Angliýa) – 7,5
- Nýu-Ýork – 7,4
- Uorrington we Çeşir – 7,4
- Londonyň töwerekleri – 7,3
