Hytaýyň Dongfang Electric kompaniýasy 26 megawatt kuwwaty bolan dünýäde iň güýçli deňiz ýel turbinasyny oturtdy. Bu barada Interesting Engineering neşiri habar berýär.
Mundan ozal Daniýanyň kenarynda oturdylan kuwwaty 21,5 megawat bolan Siemens Gamesa turbinasy öňdeligi eýeleýärdi, emma Hytaýyň täze taslamasy bu görkezijiden ýokary boldy.
Turbinanyň beýikligi 185 metr, rotorynyň diametri - 310 metr. Perleriniň gerimi 77 müň inedördül metr meýdany eýeleýär, bu on futbol meýdançasyna deňdir. Gurluş ýeliň sagatda 200 kilometre çenli tizligine çydap bilýän 30 müňden gowrak bölegi öz içine alýar. Onuň goragy üçin häzirki zamanyň poslama garşy tehnologiýalary ulanylýar.
Turbina energiýa toruna birikdirilenden soň, ortaça sekuntda 10 metr tizlik bilen ýylda 100 gigawat-sagat elektrik energiýasyny öndürip biler. Bu takmynan 55 000 hojalygy energiýa bilen üpjün etmek üçin ýeterlikdir.
Täze gurluşyň işlemegi Hytaýa ýylda 30 000 tonna kömür tygşytlamaga we kömürturşy gazynyň zyňyndylaryny 80 000 tonna azaltmaga mümkinçilik berer diýlip çaklanylýar.
