Warner Bros. studiýasy “Mortal Kombat 2” filminiň premýerasynyň yza süýşürilendigini habar berdi. Meşhur oýunlaryň esasynda döredilen film 24-nji oktýabrda çykmalydy, ýöne indi reliz 2026-njy ýylyň 15-nji maýynda bolar.
Deadline neşiriniň habar bermegine görä, möhletiň üýtgedilmegi tomaşaçylar tarapyndan gyzyklanmanyň ýokary bolmagy bilen baglanyşykly bolsa gerek – filmiň diňe treýleriniň özi 107 mln töweregi tomaşa ýygnady. Warner Bros. filmi bäsdeşligiň az bolan döwrüne süýşürmek kararyna geldi, goşmaça wagty režissýorlar effektleri kämilleşdirmäge sarp eder.
Täze bölümde Ýer şalygynyň çempionlary ýene-de biri-birine garşy çykar. Olara belli söweşiji we golliwud filmleriniň ýyldyzy Jonni Keýj hem goşular. Gahrymanlar bilelikde Şao Kanyň garaňky güýçlerine garşy durar.
Geljekki filmde baş keşpleri Karl Urban (“Ýigitler”), Lýuis Tan (“Dedpul we Rosomaha”), Hiroýuki Sanada (“Sýogun”), Jessika Maknemi (“Pianino”) we beýleki aktýorlar ýerine ýetirer. Režissýor hökmünde birinji bölümi düşüren Saýmon Makkuoýd çykyş etdi.
