Bir aý töweregi mundan ozal dünýä bazarynda hödürlenen Infinix Hot 60 Pro+ Ginnesiň rekordlar kitaby tarapyndan egri 3D displeýli iň inçe smartfon diýlip resmi taýdan ykrar edildi. Onuň korpusynyň ýogynlygy 5,95 mm barabar.
Şahadatnamanyň gowşurylyşy Indoneziýanyň Borobudur ybadathanasynda geçirildi. Çäre Indoneziýada smartfon satuwynyň başlanmagyna gabat geldi. Rekordy tassyklatmak üçin kompaniýa ILAC tarapyndan akkreditlenen barlaghana ýüz tutdy. Smartfon on dürli nokatda lazer bilen ölçendi. Barlaghana korpusyň ýogynlygynyň iň inçe ýerde 5,95 mm we iň ýogyn ýerde 6,09 mm barabardygyny tassyklady we rekordy hasaba almak üçin hut soňky görkeziji ulanyldy.
Ultra inçe korpusdan başga-da, Infinix Hot 60 Pro+ smartfonynyň agramy 155 g bolup, 5160 mA/sag sygymly akkumulýator bilen üpjün edildi. Deňeşdirmek üçin, has gymmat Samsung Galaxy S25 Edge-iň ýogynlygy 5,8 mm, agramy 163,8 g bolup, 3900 mA/sag sygymly akkumulýatora eýe boldy.
Infinix smartfony Helio G200 çibi we täzelenme ýygylygy 144 Gs we durulygy 1224p bolan 6,78 dýuýmlyk egri AMOLED displeýi, 50 Mp esasy kamera bilen üpjün edildi. Gurluş 45 Wt çalt simli zarýad alşy we beýleki enjamlara 10 Wt zarýad berşi goldaýar.
