“Barselonanyň” akademiýasy 17 ýaşly azerbaýjanly ýarymgoragçy Ibragim Babaýew bilen şertnama baglaşdy. Ol La Masiýada Azerbaýjanyň ilkinji wekili boldy.
Katalon klubuna geçmezden ozal Babaýew Şweýsariýanyň “Serwett” klubunyň ýaşlar toparynda çykyş etdi. Klubda ol 25 oýna gatnaşyp, bäş gol geçirdi. Birnäçe gün Babaýew “Barselona Ýuwenil B” topary bilen türgenleşdi, şondan soň şertnama baglaşmak kararyna gelindi.
Dabara “Barselonanyň” ýaşlar futboly boýunça müdiri Žoan Soler we akademiýanyň ýolbaşçysy Hose Ramon Aleksanko gatnaşdy.
Azerbaýjanyň pasportyndan başga-da, Babaýewde Şweýsariýanyň raýatlygy bar, ýöne halkara derejesinde ol Azerbaýjanyň U-17 ýygyndysy üçin oýnaýar.
