“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy.
Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy.
Ýedi gezek dünýä çempiony Lýuis Hemilton (“Ferrari”) heläkçilik sebäpli ýaryşy tamamlap bilmedi. Çempionatda ýeňijiniň topardaşy we esasy bäsdeşi Lando Norris hem ýaryş ýolundan çykdy: ol ýaryşyň gutarmagyna ýedi aýlaw galanda kokpitde tüssäniň ysynyň bardygyny aýtdy, şondan soň ulagyň hereketlendirijisi işlemegini bes etdi.
54-nji aýlawda “Mersedesiň” italiýaly ýaryşa gatnaşyjysy Andrea Kimi Antonelli üçünji öwrümde “Ferrariniň” sürüjisi Şarl Leklerden ozmaga synanyşdy, ýöne onuň bilen galtaşdy. Netijede, Lekleriň bolidi diwara degip döwüldi.
Ýaryşyň jemi:
- Oskar Piastri (“Maklaren”) – 1:38:29.849
- Maks Werstappen (“Red Bull”) +1.271
- Isak Hajar (“Reýsing Bulls”) +3.233
- Jorj Rassell (“Mersedes”) +5.654
- Aleksander Albon (“Uilýams”) +6.327
- Oliwer Berman (“Haas”) +9.044
- Lens Stroll (“Aston Martin”) +9.497
- Fernando Alonso (“Aston Martin”) +11.709
- Ýuki Sunoda (“Red Bull”) +13.597
- Esteban Okon (“Haas”) +14.063
