Huawei kompaniýasy ikinji nesil Mate XTs eplenýän smartfonynyň tizerini görkezdi. Onuň resmi tanyşdyrylyşy 4-nji sentýabrda Şençžende bolar.
Täze smartfon öňki modeliň dizaýnynyň esasy elementlerini: digir-digir çarçuwany, sekizburç kamera bloguny we S şekilli eplenmäni saklar (şarnirleriň biri ekrany daşyna, beýlekisi içine epleýär). Şol bir wagtyň özünde täze reňkler hödürlener – tizerde ak-altyn reňkli görnüş görkezilýär.
Ozal smartfonyň stilusy goldap biljekdigi barada habar peýda boldy, bu hem Mate XTs-iň aýratynlygy bolup biler. 9to5Google neşiri Samsung-yň Galaxy Z Fold 7-de S Pen-iň ýokdugy üçin tankytlanýan döwründe munuň Huawei kompaniýasyna artykmaçlyk berip biljekdigini ýazýar.
Weibo sosial ulgamyndan Digital Chat Station insaýderiniň maglumatlaryna görä, smartfon Kirin 9020 prosessoryna we hemra aragatnaşygy mümkinçiligine eýe bolar. Şeýle-de, benewşe reňkli görnüşiň bolmagyna garaşylýar, ýöne ol entek resmi taýdan görkezilmedi.
Mate XTs-iň çykmagy Huawei-ni üç eplenýän smartfonyň ikinji neslini çykaran ilkinji kompaniýa öwrer. Samsung hem ýylyň ahyryna çenli Galaxy Z Trifold çen-takmyn ady bilen öz gurluşyny çykarmagy meýilleşdirýär.
