«Altyn asyr» toparynyň AFK-nyň Çagyryş ligasyndaky garşydaşlary belli boldy

  • şu gün 07:25
  • 1.4k+

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy.

Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular.
«Günbatar» sebitiniň «A» toparçasynda çykyş edýän bu toparlaryň arasyndaky duşuşyklar şu ýylyň 25 — 31-nji oktýabry aralygynda merkezleşdirilen görnüşinde Butanda geçiriler.
Deslapky tapgyryň netijesinde toparçalaryň sekizisiniň ýeňijileri: «Gündogar» hem-de «Günbatar» sebitleriniň toparçalarynyň ýeňijileri bilen birlikde her sebitden iň gowy netije görkezen ikinji ornuň wekili çärýek finalda güýç synanyşmaga mümkinçilik alar.
AFK-nyň Çagyryş ligasynyň utulan-çykdy tapgyry 2026-njy ýylyň mart, ýarym finallary aprel, final duşuşygy bolsa 9-njy maýda geçiriler.
Belläp geçsek, ýurdumyzyň çempiony «Arkadag» topary geçen möwsüm AFK-nyň Çagyryş ligasynda ýeňiş gazanmagy başarypdy. Arkadag şäheriniň adybir topary Kambojada geçirilen aýgytlaýjy duşuşykda ýerli «Prea Han Rich Sway Rieng» toparyny 2:1 hasabynda ýeňlişe sezewar edipdi.


şu gün 00:59
3k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
3.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
5.2k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.7k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...