Lionsgate “Alagaraňkylyk” (Сумерки) filmlerini gaýtadan prokata çykarýandygyny mälim etdi. Franşizanyň ähli filmleri ABŞ-da täzelenen 4K görnüşde görkeziler. Filmleriň görkezilişi oktýabrda başlar diýip, Discussing Films twitter-akkaunty habar berdi.
Franşiza amerikan ýazyjysy Stefani Maýeriň romanlaryna esaslanýar. Bu romanlar dört kitapdan ybarat: “Alagaraňkylyk”, “Täze Aý”, “Tutulma” we “Säher”. Kitaplar Forks şäherine göçüp gelýän we wampir Edward Kallene aşyk bolýan on ýedi ýaşly gyz Bella Swon barada gürrüň berýär.
Kitaplaryň ekranlaşdyrmasy bäş filmden ybarat bolup, olar 2008-nji ýyldan 2012-nji ýyl aralygynda çykdy. Filmlerde baş keşpleri Kristen Stýuart, Robert Pattinson we Teýlor Lotner ýerine ýetirdi. Franşizanyň umumy kassa ýygymy 3 mlrd dollardan geçdi.
