Nissan kompaniýasy R35 kuzowly GT-R modeliniň soňky nusgasynyň çykarylandygyny habar berdi. Bu wersiýa konweýerde 2007-nji ýylda peýda boldy, 18 ýylyň içinde bolsa 48 müň awtomobil ýygnaldy.
Ahyrky awtomobil Midnight Purple goýy benewşe reňkine boýalan GT-R T-Spec boldy. Ulagy Ýaponiýadan bir müşderi satyn aldy.
GT-R modeli öz taryhyny 1957-nji ýyldan alyp gaýdýan Skyline modelinden aýratyn hatara bölündi. Awtomobil goşa turboly 3,8 litrlik VR38DETT V6 hereketlendirijisi bilen enjamlaşdyryldy. Ilkibaşda onuň kuwwaty 353 kWt (480 at güýji) deňdi, 2017-nji ýyldan ol 419 kWt (570 at güýji) çenli artdyryldy. Iň kuwwatly wersiýa 600 at güýjüni beren GT-R NISMO boldy.
Häzire çenli GT-R R35 awtosportda uly üstünlikleri gazandy. Ulag bäş gezek Super GT GT500-iň çempiony boldy, üç gezek Super GT GT300 titulyny utdy, “Batýorstyň 12 sagady” ýaryşynda we Blancpain Endurance Series tapgyrlarynda ýeňiş gazandy.
2016-njy ýylda model Ginnesiň rekordyny goýdy: ýörite taýýarlanan MY16 GT-R-de Masata Kawabata 304,96 km/sag tizlikde dolandyrylýan drift etdi, bu hem dünýäde iň tiz drift boldy.
