Angliýadan dokuz ýaşly Frenki Makmillan 700-den gowrak dag depesine, şol sanda Ýewropanyň iň beýik on depesine çykdy diýip, What’s the Jam habar berýär.
Frenki üç ýaşynda alpinizm bilen meşgullanyp başlady. Onuň ejesi Basýa hem ogly bilen bilelikde dag depelerine işjeň çykýar we ömrüniň köp böleginiň daglarda geçýändigini belleýär.
Şu tomus Frenki ejesi bilen bilelikde Ýewropanyň üç belli depesine çykdy: Slowakiýadaky Gerlah depesi (2655 m), Polşadaky Rysy daglary (2499 m) we Çehiýadaky Snežka (1603 m). Iýun aýyndan bäri olar 15 depä çykdy, şolardan 11-isiniň beýikligi 2 müň metrden geçýär.
Ýakynda Frenki Athlete Media Group bilen şertnama baglaşdy we saglygy goramak meseleleri boýunça BMG-niň wekili boldy. Ir bilen oýanmalydygyna we bolup biljek howplara (mysal üçin, aýylar bilen duşuşyk) garamazdan, oglan we ejesi ýetilen üstünlik bilen saklanmak islemeýär we indiki tomus täze gezelençleri meýilleşdirýär. Olar depeleriň birine haýyr-sahawat çykyşyny gurnamak isleýär.
