Daniýaly arhitektor Býarke Ingels hem-de onuň BIG studiýasy täze şäher — Telosanyň ilkinji şekillerini görkezdiler. Bu megapolisi gurmak pikiri amerikaly milliarder Mark Loranyň taslamasydyr.
Täze şäher ABŞ-nyň Newada ştatynyň çölünde dolulygyna noldan gurlar.
Telosa dünýäniň ekologiýa taýdan iň arassa we häzirki zaman şäherleriniň biri bolmagy maksat edinýär. Şeýle hem şäherde robotlaşdyrylan tehnologiýalaryň giňden ulanylmagyna garaşylýar.
Meýilnama görä, 2050-nji ýyla çenli şäherde takmynan bäş million adam ýaşar, ilkinji ýaşaýjylar bolsa eýýäm 2030-njy ýylda öýlere ýerleşip bilerler.
