Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär.
Adatça Netflix kinoteatr relizlerinden gaça durýar. Täze multfilm hem eýýäm iki aý bäri akym hyzmatynyň katalogynda dur, ýöne indi ol 1700 kinoteatrda görkezilip başlandy. Bu Netflix-iň beýleki filmlerini görkezen ekranlarynyň sanyndan iki esse köpdür.
“Keý-pop-awçylarynyň” sýužeti iki durmuşda ýaşaýan Huntrix toparyndaky gyzlar barada gürrüň berýär: sahnada olar keý-pop aýdymçy hökmünde çykyş edýär, ondan daşary bolsa melgun jandarlar bilen söweşýär.
Multfilmiň režissýorlary Meggi Kan we Kris Appelhans boldy. Gahrymanlara meşhur koreý we amerikan aktýorlary ses berdi.
