Litwanyň parlamenti Inga Rugineneni ýurduň premýer-ministri wezipesine tassyklady. Bu barada Litwanyň radiosy we telewideniýesi (LRT) habar berdi.
Ses berişlik açyk ýagdaýda geçirildi. Litwanyň sosial-demokratik partiýasynyň 44 ýaşly wekiliniň dalaşgärligini parlamentiň 127 deputatynyň 78-isi goldady, 35-isi garşy çykdy, 14-üsi saklandy.
Ruginene 1981-nji ýylda Trakaýda dünýä indi. Ol Wilnýus uniwersitetiniň lukmançylyk fakultetinda okady we tokaý hojalygynyň we daşky gurşaw inženerliginiň Kaunas kollejinde magistr derejesini aldy. 2018-nji ýyldan bäri Litwanyň kärdeşler arkalaşygynyň konfederasiýasyna ýolbaşçylyk etdi, 2024-nji ýylyň dekabryndan bolsa sosial gorag we zähmet ministri wezipesini eýeledi.
Konstitusiýa laýyklykda, premýer-ministr parlamentiň tassyklamagy bilen Prezident tarapyndan bellenýär. Prezident Gitanas Nauseda Rugineneniň dalaşgärligini ozal mejlisde hödürläpdi, häzir bolsa ol parlament tarapyndan tassyklandy.
Ondan öň premýer-ministr wezipesini Gintautas Paluskas eýeledi. Iýulyň ahyrynda ol korrupsiýa dawasy sebäpli işden çekildi.
