Warner Bros. Pictures kompaniýasy basketbolçy Kobi Braýant hakynda film taýýarlamaga girişýär. Variety neşiriniň habar bermegine görä, studiýa onuň durmuşy barada ýazylan deslapky ssenarini satyn alypdy.
Filmiň wakalary hakyky durmuş wakalaryna esaslanýar. Onda 1996-njy ýylda Braýantyň «Charlotte Hornets» topary tarapyndan saýlanylmagy we soňra «Los Angeles Lakers» toparyna geçmegi görkeziler.
Ssenariniň taslama ady With the 8th Pick? bolup, ony Aleks Son we Gewin Ýohansen ýazdy. Taslama eýýäm Bennet Milleriň «Moneyball» (Ähli zady üýtgeden adam) we Ben Afflegiň «Air: The Big Jump» («Air: Uly böküş») filmleri bilen deňeşdirilýär.
Häzirlikçe Warner Bros. geljekki filmiň jikme-jik maglumatlaryny aýan etmeýär.
Braýant «Lakers» toparynda 20 möwsüm oýnady we topar bilen bäş gezek çempion boldy. Ol 2016-njy ýylda, 37 ýaşyndaka, professional basketbolçylyk karýerasyny tamamlady. 2020-nji ýylyň ýanwarynda ol gyzy Žanna we başga-da sekiz ýolagçy bilen bilelikde dikuçaryň heläkçiliginde aradan çykdy.
