Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar.
Model uly radiator gözenegi we matrisa çyralary bilen markanyň firma dizaýnyny saklap galdy. Kuzow üçin dokuz reňk elýeterli. Salonda 7 dýuým ekranly sanly enjam paneli, CarPlay goldawy bilen uly multimedia displeýi we üç keýeli rul oturdyldy. Şeýle-de, CarLife we CarPlay arkaly multimedia ulgamyny mobil gurluşlar bilen baglanyşdyrmak bolýar. Üpjünçilige elektrik düwmeleriň kömegi bilen sazlanýan we gyzdyrylýan aýnalar, klimat-gözegçilik, adaptiw kruiz-dolandyryş, deri bezegi we beýleki funksiýalar girýär.
Krossoweriň göwrümi 4660 x 1865 x 1660 mm bolup, teker bazasy 2690 mm barabar.
Ulag häzirem 2,5 litrlik hereketlendirijiniň esasynda gibrid ulgam bilen (adaty we birikdirilýän wersiýalarda) hödürlenýär. Ýöne oňa 169 at güýjüni berýän 2,0 litrlik atmosfera hereketlendirijili täze görnüş hem goşuldy, ortaça sarp ediş WLTC sikli boýunça 100 km üçin 6,68 litre barabar.
