“Oskar” we “Altyn globus” baýraklarynyň eýesi Nikolas Keýj “Hakyky detektiw” (Настоящий детектив) atly meşhur serialyň bäşinji möwsüminde baş keşbi ýerine ýetirmek barada gepleşikleri geçirýär. Bu barada Deadline habar berýär.
Täze möwsümiň wakasy Nýu-Ýork ştatynyň Long-Aýlend şäherinde ýaýbaňlanar. Keýj täze işi derňeýän polisiýa ofiseri Genri Loganyň keşbini ýerine ýetirer. Möwsümiň döredijisi ozal “Gijeleriň ýurdy” atly dördünji möwsümiň üstünde işlän Issa Lopes bolar.
Möwsüm 2026-njy ýylda düşürilip başlanar, premýera bolsa 2027-nji ýylda HBO kanalynda meýilleşdirilýär.
“Hakyky detektiwiň” her möwsümi täze sýužet we gahrymanlar bilen aýratyn wakany gürrüň berýär. Birinji möwsüm baş keşpleri ýerine ýetiren Mettýu Makkonahiniň we Wudi Harrelsonyň kömegi bilen giňden ykrar edildi. Ikinji möwsümde baş keşpleri Kolin Farrell, Wins Won we Reýçel MakAdams, üçünji möwsümde Maherşala Ali we Stiwen Dorff, dördünji möwsümde Jodi Foster ýerine ýetirdi. Serial atmosferasy, dramatizmi we gahrymanlary üçin tankytçylaryň ýokary bahalaryny aldy. Ilkinji üç möwsümiň şouranneri Nik Pissolatto boldy.
